Վանաձոր-Նոյեմբերյան միջպետական նշանակության ճանապարհի 9-rd կմ-ի վրա, սեպտեմբերի 28-ի առավոտյան ժամը 7-ի սահմաններում ավտովթար է տեղի ունեցել: Վրաստանից դեպի Վանաձոր շարժվող բեռնատարը անցել է երկարգիծը, և ինչպես իրավապահներն են ներկայացնում, ըստ նախնական տվյալների կտրուկ արգելակել է ու գլորվել ձորը: Եվ ձորն ընկած բեռնատարը, և կիսակցորդը հաշվառված են հարևան Վրաստանի հանրապետությունում: Մեքենան տեղափոխում էր 10տ բեռ: Ըստ փոխադրման ամփոփագրի կոնտեյներում տրակտոր և պահեստամասեր են եղել: Ինչպես նշեց ոստիկանության լեյտենանտ Մխիթար Գիշյանը, կոնտեյների կապարակնիքը չի վնասվել: Զոհեր և վիրավորներ չկան, Կատարվում է հետաքննություն:
Комментариев нет:
Отправить комментарий