ՀՀ մշակույթի նախարարը Լոռիում

Պաշտոնական այցով Լոռու մարզում էր ՀՀ մշակույթի նախարար Հասմիկ Պողոսյանը: Սպիտակի մուտքի մոտ նրան դիմավորեցին տեղական իշխանության ներկայացուցիչները:

Հասմիկ Պողոսյանը նախ եղավ Սպիտակի մշակույթի տանը, որտեղ գործում են տարբեր խմբակներ:

Մշակույթի տան տնօրեն Ռոբերտ Բալայանը նկատեց, որ

այսօր մշակույթի տան շենքը  համայնքի ենթակայության տակ չէ և ներսում գործում են նաև համայնքային ենթակառույցներ, ինչը խանգառում է շենքի բարեկարգմանը: Ու ստացվել է այնպես, որ այսօր մշակույթի տունը չունի շենքի անվտանգության և ջեռուցման համակարգ: Այնպես որ, ձմռան ամիսներին հարկադրված արձակուրդի են գնում: Սա իհարկե անդրադառնում է նաև երեխաների թվի նվազմանը:

Հասմիկ Պողոսյանը այցելեց մշակույթի տանը գործող  թաթերական ստուդիա, որտեղ 11 երեխա սովորում է տիկնիկային թատրոնի բաժնում: Նախարարը բարձր գնահատեց ռեժիսոր- խմբավար Արմենուհի Մելքոնյանիաշխատանքը: Նախարաության կողմից վերջինս իր աշխատանքի համար պարգևատրվեց պավոգրով:

Մշակույթի տան երեխաներին նախարարը հրավիրեց մայրաքաղաք` մասնակցելու կայանալիք «Նռենի» փառատոնին:

Նախարարը եղավ նաև մշակույթի տան ներսում գործող քաղաքային գրադարանում: Գրադարանն ունի 500 անուն գիրք, միջին հաշվով 150 ընթերցող:

Նախարարի հետ զրույցի ժամանակ` աշխատողները դժգոհեցին ցածր աշխատավարձերից:

Հասմիկ Պողոսյանի հաջորդ նպատակակետը գեղարվեստի դպրոցն էր: Այստեղ գործում  գծանկարի, գոբելենի, քանդակագործության, խեցեգործության, գունավոր կոմպոզիցիաների խմբակներ` վաթսուն  աշակերտով: Դպրոցն ունի 5 մանկավարժ:

Նախարարության կողմից դպրոցն ստացավ մորբերդ և նկարչական այլ պարագաներ:

Երաժշտական դպրոցում արդեն, շրջելով դասարաններով, Հասմիկ Պողոսյանն իր գոհունակությունը հայտնեց` տեսնելով բոլոր դասարաններում առկա դաշնամուրները: Նրա խոսքով, նույնիսկ մայրաքաղաքի երաժշտական ոչ բոլոր դպրոցներում նման հնարավորություն կա:

Այս դպրոցն էլ ստացավ  «Հայ դասական կոմպոզիտորների սկավառակների» ժողովածու:

Նախարարը եղավ նաև Վանաձորում: վանաձորցի արվեստագետ Սևակ Ղարիբյանի «Սևոյի արվեստանոցում որտեղ հավաքված քաղաքի արվեստագետները, նախարարի հետ զրույցում, առաջ քաշեցին լոռեցի առվեստագետներին հուզող հարցեր: Քանդակագործներ Սևակ Ղարիբյանը և ԲոգդանՀավանիսյանը պարգևատրվեցին Գրգոր Լուսավորչի շքանշանով և պատվոգրով: