Հուլիսի 28-ին ՀՀ Լոռու մարզի առաջին ատյանի ընդհանուր իրավասության դատարանի Վանաձոր նստավայրում քննվում էր Արտիկ և Ահարոն Աղաջանյանների գործն ընդդեմ «ՄՏՍ Հայաստան» ՓԲ ընկերության:
Ըստ հայցվոր Արտիկ և Ահարոն Աղաջանյանների Եղեգնուտ գյուղում 125-004 կադաստրային համարի տակ գրանցված հողամասում տեղակայված «ՄՏՍ Հայաստան» ՓԲ ընկերությանը պատկանող կայանն արդեն քանի տարի գտնվում է իրենց սեփականության տարածքում:
Վերը նշված հողամասում «ՄՏՍ Հայաստան» ՓԲ ընկերությանը պատկանող
կայանը տեղակայված լինելու հանգամանքը պարզելու նպատակով դատարանի կողմից նշանակվել
է հողաշինարարատեխնիկական փորձաքննություն, որի արդյունքում պարզ է դարձել, որ հողատարածքի
սեփականությունը վիճարկելի է և կան անճշտություններ:
Ըստ փաստաբան Ալեքսանդր Ծատինյանի, անճշտության պատճառը համայնքն է, իսկ համայնքապետը չի ցանկանում համագործակցել դատարանի հետ:
Քանի որ դեռևս պարզ չէ, թե վերոհիշյալ տարածքը ում է պատկանում՝
Աղաջանյանների ընտանիքին, թե ունի մի այլ սեփականատեր և կամ ուղղակի համայնքի սեփականությունն
է, այդ իսկ պատճառով հայցվոր և պատասխանող կողմերը համաձայնության գալով դատարանին
դիմեցին որպեսզի մինչև տվյալ վարչական գործի ավարտը դատարանը կասեցնի գործի վարույթը:
Դատարանը հուլիսի 28-ի նիստում բավարարեց 2 կողմերի համատեղ
դիմումը.
Լոռու մարզի առաջին ատյանի ընդհանուր իրավասության դատարանը նախագահությամբ դատավոր
Արամ Մկրտչյանի որոշում կայացրեց մինչև տվյալ վարչական գործի ավարտը կասեցնել վերոհիշյալ
գործի վարույթը:
Этот комментарий был удален администратором блога.
ОтветитьУдалить