Սեպտեմբերի 23-ին Վանաձորի Պաշտպանական կազմակերպության խորհրդում կատարվեց հանդիսավոր արարողություն

Սեպտեմբերի 23-ին  Վանաձորի  Պաշտպանական  կազմակերպության   խորհրդում  կատարվեց  հանդիսավոր   արարողություն,  նվիրված  Հայաստանի  անկախության  23-ամյակին:Փառապանծ  տոնի  կապակցությամբ  ներկաներին  ողջունեցին  և  շնորհավորեցին  Լոռու  մարզպետ  պարոն  Արթուր  Նալբանդյանը, ՀՀ  ԴՕՍԱԱՖ-ի Կենտրոնական  Խորհրդի  նախագահ , Արցախի  հերոս  գեներալ-մայոր  Արկադի  Տեր  Թադևոսյանը, երկրապահ  կամավորների  միության  Լոռու 
մարզային  խորհրդի  նախագահ  Կամո  Հովհաննիսյանը: Նրանք  իրենց խոսքում  նշեցին,  որ  հարյուրամյակներ  շարունակ  հայը  պատարագվել է  անկախության  խորանի  առջև,  միլիոնավոր  սրտեր  են  աղոթք  մրմնջացել  նրա  գալուստը  տեսնելու  երազանքով, սակայն  ցավ  ու  դարդ  են  ժառանգել սերնդեսերունդ՝  պետության, դրոշի, օրհներգի  փոխարեն:Մենք երջանկություն  ունեցանք վերանվաճել  մեր  անկախ  գոյության,  սեփական  հողում  ազատ  ապրելու,  սեփական պետականություն ունենալու իրավունքը: Մենք  կարողացանք սանձել ազերի  թուրքի  մեծ   ախորժակը, ազատագրեցինք  Հայաստանի  սրբազան  մասերից մեկը,  մեր նվիրական Արցախը: Ունեó³Ýք  հզոր  բանակ:Այժմ  անկախությունը  պահպանելու,  երկիրը  վերակերտելու  ու  շենացնելու  դժվարին ու  երկար  ճանապարհին  ի թիվս  այլ  խնդիրների  հարկավոր է  ազգին  նեցուկ և  պահապան  վաղվա  զինվորին  պատրաստել  այսօր:Այս  կարևորագույն  հարցի  լուծմանը  մեծ  պատասËանատվությամբ  են  մոտենում  Վանաձորի  Պաշտպանական  կազմակերպության  խորհրդում:Հանդիսավոր  արարողության  ժամանակ  ամփոփվեցին  այս  նպատակին  ուղղված  միջոցառումներից  մեկի՝  գնդակային  հրաձգությունից  քաղաքի  առաջնության   մրցումների  արդյունքները:

Անկախության 23-ամյակին   նվիրված  մրցումներում  խաղարկվեց Վանաձորի   Պաշտպանական կազմակերպության  խորհրդի  փոխանցիկ  գավաթը՝  որի  առաջին  փուլը  քաղաքի  ուսումնական հաստատությունների  առաջնության  մրցումներն էին:

Եզրափակչին մասնակցեցին  28 ուսումնական  հաստատություններից 168 մարզիկ-մարզուհիներ:Այս անգամ նույնպես գնդակային հրաձգությունից ուժեղագույնը թիվ 25 դպրոցի մարզիկներն են, ովքեր էլ  արժանացան փոխանցիկ  գավաթին և առաջին  կարգի  դիպլոմի: Երկրորդ տեղում էին թիվ 19 դպրոցի, իսկ  երրորդ տեղում՝ թիվ 3 դպրոցի  մարզիկները:Տղաների  անհատական  հաշվարկում  մրցանակային տեղեր զբաղեցրին.  1-ին տեղ  Այդինյան Սամվել (թիվ 13 դպրոց), 2-րդ տեղ Հարությունյան Էդմոն (թիվ 19 դպրոց),  3-րդ տեղ  Եսայան Կարեն (թիվ 5 դպրոց):

Աղջիկների  անհատական հաշվարկում մրցանակային տեղեր զբաղեցրին. 1-ին տեղ  Մարկոսյան Մարիամ (թիվ 3 դպրոց), 2-րդ տեղ Ավետիքյան Աննա (թիվ 24 դպրոց), 3-րդ տեղ Ավալյան Քրիստինե (թիվ 11 դպրոց):

Վանաձորի  Պաշտպանական կազմակերպության  խորհրդի  նախագահ պարոն Խաչիկ  Բալայանն  ամփոփելով  մրցումների  արդյունքները՝  բարձր գնահատեց թիվ 25, 9, 3, 13, 5, 2, 11, 1, 19, 18 և սկզբնական կազմակերպությունների նախագահների  աշխատանքը, ովքեր  լավ էին  նախապատրաստվել  մրցումներին և  արժանավայել ձևով  ներկայացրին իրենց կազմակերպությունները:

Նույնը չի կարելի  ասել թիվ 28, 23, 4 դպրոցների մասին, որոնց ղեկավարները  լուրջ հետևություններ անելու  անհրաժեշտություն ունեն:

Մրցանակային տեղեր զբաղեցրած  մարզիկները  արժանացան  համապատասËան  կարգի  դիպլոմների, իսկ  Լոռու  մարզպետ  պարոն Նալբանդյանը և ԴՕՍԱԱՖ-ի  Կենտրոնական  խորհրդի  նախագահ  գեներալ-մայոր  Թադևոսյանը  նրանց  պարգևատրեցին  արժեքավոր   նվերներով:

Խրախուսանքի  արժանացան նաև   մրցանակային  տեղեր  զբաղեցրած  դպրոցների,  սկզբնական կազմակերպությունների նախագահներ՝ Լ¨ոն Ավագյանը (թիվ 25  դպրոց),  Սերգեյ Բարսեղյանը (թրվ 9 դպրոց) և Հրաչյա  Խաչիկյանը (թիվ 3 դպրոց):Առանձնակի բարձր  գնահատական տրվեց  թիվ 25 դպրոցի կոլեկտիվի  ռազմա-հայրենասիրական դաստիարակության  ուղղությամբ  տարվող  աշխատանքին, որի  համար տնօրեն  Սիրվարդ  Ճաղարյանը  պարգևատրվեց  մեր  համաքաղաքացի  արձակագիր  և  պոետ  Վահագն  Մուղնեցյանի  ,,Զոհանվեր,, գրքով: