Փառատոնին մասնակցեց 22 թիմ և 3 անհատ: Մասակցում էին Լոռու, Արագածոտնի և Տավուշի մարզերը, թիմեր Վրաստանից և Ռուսաստանից: Խորովածի փառատոնին առաջին անգամ ներկայացել էին նաև Վանաձորի խնամքի կենտրոնի և մանկատան սաները:
Միջոցառմանն այս տարի առաջին անգամ մասնակցեց ՀՀ պաշտպանության նախարարությունը: Սահմանային Իջևանի N զորամասի ժամկետային զինծառայող խոհարարները ներկաներին մատուցեցին «զինվորական ճաշատեսակներ»:
«Հայ խոհարարական ավանդույթների զարգացման և պահպանման» ՀԿ նախագահ Սեդրակ Մամուլյանը ՀՀ պաշտպանության նախարարությանն ուղղված Լոռու մարզպետի շնորհակալագիրը հանձնեց Իջևանի N զորամասին՝ նվիրելով նաև խորոված պատրաստելու կավակոփ հուշանվեր:
ՀԿ կողմից սահմանվել էին «Լավագույն համ», «Լավագույն տեսք», «Լավագույն մտահղացում» անվանակարգերը: Ս. Մամուլյանը հաղթողներին հանձնեց 10 գավաթ, արծաթե և ոսկե 9 մեդալ:
Միջոցառումը վերածվել էր ժողովրդական ուրախ տոնախմբության, այն ուղեկցվում էր գեղարվեստական կատարումներով:
Комментариев нет:
Отправить комментарий