Ամանորի բնական տոնածառը փոխեցի կոկորդիլոսի հետ

          (իրական պատմություն)

Էսօր մի ոստիկան էր եկել մեր դպրոց, ուզում էր երևի էրեխեքի մոտ թռվռալ, ուսմասվարին ասում էր` դե ես էլ ձեզ հետ գամ դասարան.
-Ինչու՞,-հարցնում է ուսմասվարը:
-Դե, որ ասեմ Նոր տարիա , յոլկա, բան չկտրեն:
Այ էստեղ չդիմացա, շրջվեցի, ասում եմ /իհարկե` ամենաանմեղ հայացքով/.
-Ո՞նց, յոլկա կտրել չի կարելի՞:

-Չէ:

-Վա՜յ, բա էրեխեքս մի 15 հատ բերել են:
-Ո՞նց բերել են, որտեղից են բերել, անտառի՞ց:
-Հա, բա յոլկեն էլ որտեղից էին բերելու,-անմեղ ձայնով բացատրում եմ ես,-
2-ը դպրոցին ենք տվել, 3-ը մեր դասարանում ա, մնացածն էլ ծախելու եմ, որ կոկորդիլոս առնեմ /ու լրիվ մոռացել էի, որ կոկորդիլոսն էս տարի մոդա չի/:
-Ձեր տունը որտեղ ա,-գրեթե գոռաց ոստիկանը, հազիվ իրեն զսպելով, որ ինձ ձեռնաշղթաներ չհագցնի...