Լոռու մարզ. Մեծավան
Լոռու մարզի Մեծավան համայնքում տեղակայված 25/14 ընտրատեղամասում բարիդրացիական հարաբերություններ են:
Օրինակ, Պետրոս Գևորգյանը գնաց քվեախուց`օգնելու քվեարկություն իրականացնող տատիկին: Ի դեպ` նա ներկայացավ որպես Դաշնակցության դիտորդ,
երբ փորձեցի հասկանալ, թե ավելի կոնկրետ ով է, հրաժարվեց պատասխանել:
Հանձնաժողովի նախագահ Ռոբերտ Դումիկյանը նշում է, որ ուղղակի մարդիկ չգիտեն ընտրական կարգը, դա է խանգարում աշխատանքին:
Պետրոս Գևորգյանի արարքի հետ կապված, հանձնաժողովի նախագահը նշեց, որ չի նկատել, երևի արձանագրություն կկազմենք,-ասաց նա:
Մինչ ժամը 13:00 այստեղ 1807 ընտրողից ընտրությանը մասնակցել էր արդեն 284-ը, որից 22-ին օգնություն է պետք եղել: Ի դեպ, օգնողների թիվը, ընդամենը 20 րոպեում ավելացավ ևս 8-ով:
Մեծավանում, ըստ բնակիչների, հիմնական պայքարն ընթանում է ԱԺ ՀՀԿ-ական պատգամավոր Կարեն Կարապետյանի, ԵԼՔ դաշինքը ներկայացնող ԱԺ պատգամավոր Էդմոն Մարուքյանի, Ծառուկյան դաշինքը ներկայացնող Արթուր Դալլաքյանի միջև:
Комментариев нет:
Отправить комментарий