Լոռու մարզի առաջին ատյանի ընդհանուր իրավասության դատարանի Վանաձոր նստավայրում 2021թ․ նոյեմբերի 17-ին քննվում էր միաժամանակ 3 ամբաստանյալների քրեական գործ, որոնք մեղադրվում են մի շարք գողությունների մեջ:
Գողության առաջին դեպքը տեղի է ունեցել 2014թ․ մարտի 16-ին: Ըստ մեղադրող կողմի, Տիգրան Յարատովը Գառնիկ
Բաղդասարյանի հետ նախապես պլանավորելով, դեմքերը քողարկած մտել են ԱՁ Բալասան Սաքուլյանին պատկանող առևտրի սրահ, կապել Բալասան Սաքուլյանի ձեռքերը և գողացել 16.521.510 ՀՀ դրամ արժողությամբ ոսկյա և արծաթյա զարդեր։Տիգրան Յարատովին և Ստեփանավանի բնակիչ Գառնիկ Բաղդասարյանին մեղադրանք էր առաջադրվել։ Գառնիկ Բաղդասարյանը մեղադրվում է նաև մի շարք այլ գողությունների:
Ըստ մեղադրող կողմի, Գառնիկ Բաղդասարյանը 2015թ․ մարտ-օգոստոս ամիսների ընթացքում 4 գողություն է կատարել։
2015թ․ մարտի 6-ին Գառնիկ Բաղդասարյանը համաձայնության գալով Պավլե Ջիլավյանի հետ մտել են Ա. Բաբաջանյանի տուն և այնտեղից գողացել են 780.100 ՀՀ դրամի արժողությամբ գույք: Դրանից հետո նույն անձինք ապրիլի 2-ին մտել են Ստեփանավան քաղաքի նոտարական տարածքի նոտար Ա. Հարությունյանի գրասենյակ, այնտեղից գողացել են 166.050 ՀՀ դրամ արժողությամբ գույք: Գառնիկ Բաղդասարյանը մեղադրվում է նաև «Ալպիան» ՍՊԸ վարչական շինության տարածքից 1.701.660 ՀՀ դրամ գողանալու մեջ, որը կատարվել է 2015թ․ հունիսի 1-ին, դեպքից մոտ 2 ամիս անց, 2015թ․ օգոստոսի 6-ին մուտք է գործել «Գրիգոր Լուսավորչի անվան թիվ 2 հիմնակա դպրոց» ՊՈԱԿ և գողացել 14.990 ՀՀ դրամ:
Գործը դատարանում քննվում է
2016թ․-ից․ դատական նիստերը մինչ
օրս տարբեր պատճառաբանություններով հետաձգվել են կամ չեն կայացել:
Նոյեմբերի 17-ին նշանակված նիստը ևս հետաձգվեց, քանի որ դատական նիստին ներկա չէին
Ամբաստանյալ Տիգրան Յարատովն, ով ազատության մեջ էր ստորագրությամբ չհեռանալու պայմանով,
սակայն հիմա մեկ այլ գործով գտնվում է հետախուզման մեջ, և Պավլե Ջիլավյանը, որը, ինչպես
նիստերի քարտուղար Մարիամ Մարտիրոսյանը ներկայացրեց, դատական նիստի վերաբերյալ՝ ծանուցում չէր ստացել։
Ամբաստանյալներից ներկա էր միայն Գառնիկ Բաղդասարյանը, որը մինչ օրս գտնվում
է կալանքի տակ:
Գործում ներգրավված դատախազի տեղակալ Վահե Դոլմազյանը հանդես եկավ հայտարարությամբ
այն մասին, որ գործն անհրաժեշտ է ամբաստանյալ Տիգրան Յարատովի մասով առանձնացնել և
քննել առանց նրա: Քանի, որ նա հետախուզման մեջ է և պարզ չէ, թե երբ կհայտնաբերվի: Ինչպես
նաև առաջարկեց դատարանին ամբաստանյալներին միանգամից ապահովել փաստաբանով, որպեսզի
հաջորդ դատական նիստի ժամանակ էլ հարկ չլինի նիստը հետաձգել փաստաբան չունենալու պատճառով:
Ամբաստանյալ Գառնիկ Բաղդասարյանը միջնորդությամբ
հանդես եկավ, այն մասին, որ դատարանը քննարկի ստորագրությամբ իր չհեռանալու հարցը:
Քանի որ գործը ձգձգվում է և պարզ չէ, թե երբ կավարտվի:
Նախագահող դատավոր Լուսինե Ալավերդյանը,
հաշվի առնելով ամբաստանյալի խնդրանքը, նշեց, որ միջնորդությունը կքննարկեն հաջորդ դատական
նիստի ժամանակ․ նշեց նաև, որ համապատասխան գրություն կուղարկեն
հանրային պաշտպանի գրասենյակ՝ ամբաստանյալներին փաստաբան տրամադրելու նպատակով:
Հաջորդ դատական նիստը նշանակվեց 2022թ․ հունվարի
12-ին:
ծրագրի շրջանակներում, որը իրականացնում է Եվրասիա համագործակցություն հիմնադրամը «Հելսինկյան ասոցիացիա» և «Իրավունքի ուժ» հասարակական կազմակերպությունների հետ համատեղ:
Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են
և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ» հասարակական կազմակերպությունների տեսակետներին:
Комментариев нет:
Отправить комментарий