Վանաձորի բնակիչ Ա. Հակոբյանը մեկ անգամ արդեն զրկված լինելով վարորդական իրավունքից 2021թ. հունիսի 29-ին դարձյալ մեքենա է վարել, որի համար էլ նրան մեղադրանք է առաջադրվել:
Ա. Հակոբյանը հունիսի 29-ին մեքենան
վարել է Վանաձորի Հայքի հրապարակում։
Նախնական դատական նիստը հետաձգվել
էր, քանի որ ամբաստանյալը դատարանին դիմել էր իրեն հանրային պաշտպան տրամադրելու խնդրանքով։ Հետաձգվել էր նաև
սեպտեմբերի 17-ին Նիստը՝ այստեղ, ապա նաև սեպտեմբերի 30-ին նշանակված նիստերը, քանի որ ամբաստանյալին դեռևս հանրային պաշտպան չէր
տրամադրվել։
Նախքան դատական նիստը ամբաստանյալը փաստաբանի հետ ծանոթանալով, որոշել էին, որ գործը քննվի համաձայնեցված վարույթով, և փաստաբանը միջնորդություն էր ներկայացրել դատարան: Դատական նիստի ժամանակ պարզ դարձավ, որ կողմերը բանակցելու արդյունքում համաձայնության չեն եկել:
Նախագահող դատավոր Լուսինե Ալավերդյանը որոշեց դատական նիստը շարունակել ընդհանուր կարգով: Կողմերի համաձայնությամբ ստուգվեցին գործում առկա գրավոր ապացույցները և քանի որ ապացույցների հետազոտման հերթականության մեջ հաջորդում էր վկաների հարցաքննումը, դատական նիստը նախագահող դատավորի որոշմամբ հետաձգվեց մինչև 2021թ. նոեմբերի 25-ը։
Կծանուցվեն նաև գործում ներգրավված վկաները:
Հոդվածը պատրաստել է «Մեդիաակումբ» ՔՀԶ ՀԿ-ն, «Աջակցություն դատաիրավական բարեփոխումներին»
ծրագրի շրջանակներում, որը իրականացնում է Եվրասիա համագործակցություն հիմնադրամը
«Հելսինկյան ասոցիացիա» և «Իրավունքի ուժ» հասարակական կազմակերպությունների հետ համատեղ:
Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են
և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ»
հասարակական կազմակերպությունների տեսակետներին:
Комментариев нет:
Отправить комментарий