Միլենա Մամուդովին մեղադրանք է առաջադրվել Ստեփանավանի տարածքում գտնվող «Սոսե Ալենե» հիշատակի արհեստական անտառի տարածքից գողություն անելու համար:
Ըստ մեղադրող կողմի Միլենա Մամուդովը, նախապես համաձայնության գալով Արմենակ Սահակյանի հետ, մտել են պահեստարան հանդիսացող «Սոսե Ալենե»
արհեստական անտառ: Այստեղ Արմենակ Սահակյանը փշալարերը կտրող սարքի միջոցով առանձնացրել է ցանկապատ հանդիսացող փայտյա սյուները և քաշել հանել է դրանք՝ ապամոնտաժելով տարածքի ցանկապատը: Ապա 2 մասի են բաժանել և օգտագործել որպես վառելափայտ:
Դեպքը պարբերաբար կրկնել են․ այսպես, 2021թ․ հունվարի 7-ից մինչև նույն թվականի մարտի 30-ը, տարածքից տեղափոխել են ցանկապատի թվով 388 փայտյա սյուն: Ամբաստանյալները «ԷՅ-ԹԻ-ՓԻ» բարեգործական հիմնադրամին հասցրել են 310.400 ՀՀ դրամի չափով վնաս: 2 ամբաստանյալներն էլ ընդունում են իրենց մեղքը: Միլենա Մամուդովան 5 երեխաների մայր է: Ընտանիքում միակ աշխատող ձեռքը Միլենա Մամուդովի ամուսինն է։
2021թ․ նոյեմբերի 18-ին կայացած նիստի ժամանակ 2 ամբաստանյալների փաստաբաններն էլ հանդես եկան միջնորդությամբ, որ գործն իրականացվի համաձայնեցված վարույթով:
ՀՀ Լոռու մարզի դատախազության դատախազ Բարսեղ Մուրադյանը դեմ չէր միջնորդությանը:Տուժող կողմը, թեպետ նիստին չէր ներկայացել աշխատանքի լինելու պատճառով, բայց նախապես հայտնել էին դատարանին, որ դեմ չեն գործի վարույթը ցանկացած ընթացակարգով իրականացնելուն:
Դատարանը, նախագահությամբ Լուսինե Ալավերդյանի, ընդմիջում հայտարարեց, որպեսզի կողմերը համաձայնության գան և կազմեն համաձայնեցման արձանագրությունը:
Համաձայնեցման արձանագրությունն ընթերցելուց հետո դատարանը ամբաստանյալներին մեղավոր ճանաչեց: Արմենակ Սահակյանին նշանակեց 3 տարի ազատազրկում, պայմանականորեն չկիրառելով, իսկ Միլենա Մամուդովին 2 տարի ազատազրկում նույնպես պայմանականորեն չկիրառելով այն: Եվ, քանի որ տուժող կողմը գույքային պահանջ չէր ներկայացրել, վնասի հատուցման պարտականություն չդրվեց ամբաստանյալների վրա:
Հոդվածը պատրաստել է «Մեդիաակումբ» ՔՀԶ ՀԿ-ն, «Աջակցություն դատաիրավական բարեփոխումներին»
ծրագրի շրջանակներում, որը իրականացնում է Եվրասիա համագործակցություն հիմնադրամը «Հելսինկյան ասոցիացիա» և «Իրավունքի ուժ» հասարակական կազմակերպությունների հետ համատեղ:
Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են
և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ» հասարակական կազմակերպությունների տեսակետներին:
ծրագրի շրջանակներում, որը իրականացնում է Եվրասիա համագործակցություն հիմնադրամը «Հելսինկյան ասոցիացիա» և «Իրավունքի ուժ» հասարակական կազմակերպությունների հետ համատեղ:
Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են
և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ» հասարակական կազմակերպությունների տեսակետներին:
Этот комментарий был удален администратором блога.
ОтветитьУдалить