Մարզպետի հերթական խորհրդակցությունը

Մարտի 17-ին  Լոռու մարզպետ Արթուր Նալբանդյանն անցկացրեց հերթական աշխատանքային խորհրդակցությունը:

Մարզի ղեկավարն անդրադարձավ համայնքների գլխավոր հատակագծերի կազմման անհրաժեշտությանը՝ առաջնահերթությամբ կարևորելով քաղաքային համայնքներինը: Մինչև 2016թ. հանրապետության բոլոր համայնքները պետք է ունենան գլխավոր հատակագծեր: Գյուղական համայնքներում ֆինանսական միջոցների սղության պատճառով այս հարցում խնդիրներ կառաջանան, ուստի, ըստ Ա. Նալբանդյանի, չի բացառվում, որ առաջարկությամբ դիմեն ՀՀ կառավարությանը՝ գյուղական համայնքների հատակագծերի կազմման հարցում աջակցություն ցուցաբերելու խնդրանքով: