Հ. Աթոյանը մեղադրվում է «Հայանտառ» ՊՈԱԿ-ի բուսական աշխարհին վնաս հասցնելու համար: Ըստ մեղադրող կողմի Հ.
Աթոյանը 2019թ. նոյեմբերի 8-ին «Հայանտառ» ՊՈԱԿ-ի «Եղեգնուտի անտառտնտեսություն» մասնաճյուղի Փամբակի անտառապետության թիվ 3 պահաբաժնի տարածքից, միայնակ հատել է 2 հաճարենի և 1 բոխի տեսակի կանգուն ծառեր, որպես վառելանյութ և տեղափոխել: Հ. Աթոյանի կողմից բուսական աշխարհին պատճառած վնասի հատուցմա չափը կազմել է 210.600 ՀՀ դրամ:
Քրեական գործով դատական նիստին ներկայացել էր ամբաստանյալը,
շահերի պաշտպանը և մեղադրող կողմը, ինչպես նաև տուժողի ներկայացուցիչ՝ «Հայանտառ» ՊՈԱԿ-ի
Վանաձորի անտառտնեսության մասնաճյուղի ավագ անտառապահ Սամվել Մխիթարյանը:
ՀՀ Լոռու մարզի քրեական գործերով դատավոր Մուշեղ Հարությունյանը նիստի սկզբում ներկայացրեց,
որ այսուհետ գործող դատախազ Արմեն Պողոսյանին կփոխարինի դատախազ
Տիգրան Քոթանջյանը: Ամբաստանյալին էլ Հանրային պաշտպանի
գրասենյաը տրամադրել է նոր փաստաբան՝ Տիգրան Մկոյանին:
Քանի որ դատական նիստի մեղադրող և պաշտպանության կողմերը
փոխվել էին և ժամանակ էր պետք գործի մանրամասներին ծանոթանալու,
նիստը նախագահող դատավոր
Մուշեղ Հարությունյանը որոշում կայացրեց՝ հաջորդ դատական նիստը
նշանակել 2021թ․ հոկտեմբերի 11-ին:
Հոդվածը պատրաստել է «Մեդիաակումբ» ՔՀԶ ՀԿ-ն, «Աջակցություն դատաիրավական բարեփոխումներին»
ծրագրի շրջանակներում, որը իրականացնում է Եվրասիա համագործակցություն հիմնադրամը
«Հելսինկյան ասոցիացիա» և «Իրավունքի ուժ» հասարակական կազմակերպությունների հետ համատեղ:
և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ»
հասարակական կազմակերպությունների տեսակետներին:
Комментариев нет:
Отправить комментарий