«Արայիկ-Սուրեն Տիտանյաններ» ՍՊԸ-ը քարամշակման արտադրամաս է, որտեղ հայցվոր Վաչագան Բաբայանը աշխատել է 2 տարի և 3 ամիս: Ինչպես ինքն էր նշում աշխատանքի սկզբնական շրջանում հիշյալ ընկերությունը պատշաճ մակարդակով վճարել է աշխատավարձը, սակայն ժամանակի ընթացքում ընկերությունը սկսել է ուշացնել, ապա դադարել է աշխատավարձը վճարել:
Լոռու մարզի առաջին ատյանի ընդհանուր
իրավասության դատարանի դատավոր Սուրեն Բաղդասարյանը գործով վճիռը
հրապարակել է տարբերակով սեպտեմբերի 7-ին` օն-լայն տարբերակով: Այսպիսով Վաչագան Բաբայանի հայցն ընդդեմ «Արայիկ-Սուրեն Տիտանյաններ» ՍՊԸ-ի չվճարած աշխատավարձը
և դրա նկատմամբ հաշվարկված տույժերի գումարը բռնագանձելու պահանջի մասին՝ բավարարվել է դատարանի կողմից: Դատարանը որոշել է պատասխանող «Արայիկ-Սուրեն Տիտանյաններ» ՍՊԸ-ից բռնագանձել
2.000.000 ՀՀ դրամ, որից 1.000.000 ՀՀ դրամը որպես չվճարված աշխատավարձ, իսկ մյուս
մասը՝
որպես տուգանք: Հայցն ընդդեմ հիշյալ ընկերության տնօրեն՝ Գագիկ Շավինյանի, դատարանը մերժեց:
«Արայիկ-Սուրեն Տիտանյաններ» ՍՊԸ-ից պետական
բյուջե բռնագանձել 40.000 ՀՀ դրամ որպես պետական տուրք: Ինչպես նաև հիշյալ ընկերությունից
բռնագաձել նաև 60.000 ՀՀ դրամ որպես փաստաբանի վարձատրության գումար:
Հիշեցնենք, որ դատական ակտը կարող է
բողոքարկվել ՀՀ վերաքննիչ քաղաքացիական դատարան հրապարակման պահից՝ մեկամսյա ժամկետում:
Հոդվածը պատրաստել է «Մեդիաակումբ» ՔՀԶ ՀԿ-ն, «Աջակցություն դատաիրավական բարեփոխումներին»
ծրագրի շրջանակներում, որը իրականացնում է Եվրասիա համագործակցություն հիմնադրամը «Հելսինկյան ասոցիացիա» և «Իրավունքի ուժ» հասարակական կազմակերպությունների հետ համատեղ:
Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են
և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ»
հասարակական կազմակերպությունների տեսակետներին:
Комментариев нет:
Отправить комментарий