Ե. Բադյանը ՀՀ Լոռու մարզի առաջին ատյանի ընդհանուր իրավասության դատարան էր դիմել ալիմենտի բռնագանձման պահանջով։
Մայրը դատարանի միջոցով իր երեխայի հորից՝ Տ. Մովսիսյանից, երեխային պահելու համար որոշակի գումար է պահանջում:
Տ. Մովսիսյանը հակընդդեմ հայց է ներկայացրել Ե. Բադյանին, որի միջոցով դատարանից պահանջում է, որ երեխան բնակվի ոչ թե մոր, այլ իր հետ, իր տանը:
Ե. Բադյանը պատմում է, որ ամեն անգամ հայրը երեխային տեսնելու համար վեճ է հրահրում, ընդհուպ մինչև բռնության ենթարկում իրեն, պատահում է նաև, որ երեխային տանում է տեսակցության պատրվակով և հրաժարվում վերադարձնել:
Նախագահող դատավոր Վարդուհի Հովնանյանը
նշեց, որ Ե. Բադյանը դատարան է դիմել միայն մեկ հայցով՝ երեխայի հորից ալիմենտի բռնագանձման
պահանջով: Հետևաբար, մոր կողմից նշված մնացած պահանջների մասով ինքն այս իրավիճակում իրավասու
չէ որոշում կայացնել:
Ե. Բադյանը նշեց, որ այն ժամանակ,
երբ ինքը դատարան էր դիմում ալիմենտի բռնագանձման համար, նման խնդիրներ չկային, հայրը
երեխային տեսնելու համար խնդիրներ չէր առաջացնում, դրանք հետո են ի հայտ եկել։
Ե. Բադյանը դատական նիստը շարունակելու ցանկություն հայտնեց, որի ընթացքում պարզ դարձավ, որ նա Տ. Մովսիսյանի կողմից ուղարկված հակընդդեմ հայցի օրինակը չի ստացել, այսինքն տեղյակ չի երեխայի հոր կողմից ներկայացված պահանջներին:
ՀՀ Լոռու մարզի առաջին ատյանի
ընդհանուր իրավասության դատարանը, նախագահությամբ դատավոր Վարդուհի Հովնանյանի, որոշում
կայացրեց՝ հետաձգել դատական նիստը և Տ. Մովսիսյանի շահերի պաշտպան Լիլիթ Սարգսյանին
հանձնարարեց պարզել հակընդդեմ հայցի Ե. Բադյանին չհասնելու պատճառները:
Գործով հաջորդ դատական նիստը նշանակվեց 2022թ. հունվարի 10-ին:
Հոդվածը պատրաստել է «Մեդիաակումբ» ՔՀԶ ՀԿ-ն, «Աջակցություն դատաիրավական բարեփոխումներին»
ծրագրի շրջանակներում, որը իրականացնում է Եվրասիա համագործակցություն հիմնադրամը
«Հելսինկյան ասոցիացիա» և «Իրավունքի ուժ» հասարակական կազմակերպությունների հետ համատեղ:
Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են
և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ»
հասարակական կազմակերպությունների տեսակետներին:
Комментариев нет:
Отправить комментарий