Ըստ մեղադրող կողմի, Ա. Բագրատյանը չունենալով օրենքով սահմանված կարգով զենք պահելու և կրելու իրավունք, չբացահայտված հանգամանքներում ձեռք է բերել «AKM» տեսակի ինքնաձիգ:
Նախորդ դատական նիստի ժամանակ
Ա. Բագրատյանի շահերի պաշտպան Հովսեփ
Դավթյանը միջնորդություն էր ներկայացրել դատարան, որ գործը քննվի համաձայնեցված վարույթով: Դատարանը նախորդ նիստին կողմերին
մինչև հոկտեմբերի
6-ը ժամանակ էր տվել՝ բանակցելու
համար: Սակայն դատական նիստի սկսվելուց մի քանի րոպե առաջ պարզ դարձավ, որ կողմերը համաձայնության չեն եկել։
Նախագահող դատավոր Մուշեղ
Հարությունյանը որոշում կայացրեց՝ անցնել դատաքննության
փուլին: Դատական նիստի ժամանակ ընթերցվեց մեղադրական եզրակացությունը, որից հետո դատարանն
անցավ ապացույցների հետազոտմանը․ այն սկսեց գրավոր հետազոտման փուլից:
Բայց շահերի պաշտպանը
դատարան միջնորդություն ներկայացրեց դատական նիստը հետաձգելու, պարզաբանելով,
որ ինքը ենթադրում էր, որ դատական նիստը պետք է անցկացվեր համաձայնեցված վարույթով, իսկ իրավիճակի այսպիսի փոփոխության
դեպքում իրեն ժամանակ է պետք պատշաճ մակարդակով Ա. Բագրատյանի պաշտպանության գործնթացին պատրաստվելու համար:
Մեղադրող կողմը չառարկեց միջնորդության
դեմ:
Նախագահող դատավոր Մուշեղ Հարությունյանն ընդունեց փաստաբանի
միջնորդությունը և հաջորդ դատական նիստը նշանակեց 2021թ․ նոյեմբերի 15-ին:
Հոդվածը պատրաստել է «Մեդիաակումբ» ՔՀԶ ՀԿ-ն, «Աջակցություն դատաիրավական բարեփոխումներին»
ծրագրի շրջանակներում, որը իրականացնում է Եվրասիա համագործակցություն հիմնադրամը
«Հելսինկյան ասոցիացիա» և «Իրավունքի ուժ» հասարակական կազմակերպությունների հետ համատեղ:
Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են
և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ»
հասարակական կազմակերպությունների տեսակետներին:
Комментариев нет:
Отправить комментарий